അഴിഞ്ഞസാരിപോല്
പതിയെ വീഴുന്ന
ഇളംനീല
ഏതും തിരിയാതെയീ
സന്ധ്യയ്ക്കുറപ്പില്ലാത്ത
രാത്രിയെ
തുരുതുരായെറിയുന്നു
നേര്ത്ത തൂവലാല്
കേള്ക്കാത്ത പാട്ടിനാല്
ചുറ്റിപ്പിണഞ്ഞുള്ളില്
പടരുന്ന പാമ്പിനാല്
2
നിന്നനില്പ്പില്
മഷിപോലെ പടരുന്നു
നിറയെ കുരങ്ങന്മാര്
തൂങ്ങുമീ ആല്മരം
പാഞ്ഞെത്തും പക്ഷികള്
കുഴങ്ങുന്നു
വരൂ വന്നിരിക്കൂ
എല്ലാം പഴയപോലെയാക്കൂ
ഒരടര് തെറ്റിയാല് പിന്നെ
തുരുതുരാഅടരുമതിനാല്
തിരിച്ചുവന്നിരിക്കൂ
ഉള്ളില് പടരുന്ന പാമ്പിനേയും
നീ പിടിക്കൂ
ദൂരെമാറിയിരിക്കൂ
പാമ്പാട്ടിയാകൂ
3
എങ്ങോട്ടാണ് ഈ വഴികളെ
കണ്ണുകാണിച്ചു മയക്കി കൊണ്ടുപോകുന്നത്
നില്ക്കൂ,
ഞാന് പറയുന്നതുകൂടി കേള്ക്കൂ
പാമ്പുകളിലേക്ക് തിരിച്ചുപോകൂ
